Aktori i humorit Julian Deda nuk ka lënë pa ironizuar kryeministrin Edi Rama për letrat e njëpasnjëshme drejtuar kreut të PD-së lulzim Basha, ku i kërkon të ulen në Tryezën e Dialogut.
Juli, i cili është edhe anëtar i Këshillit Kombëtar të PD, shkruan në një postim në Facebook, se PD nuk mund të zëvendësohet nga opozita të tjera.
Me ironi ai i kërkon Ramës të mos mërzitet, por të dorëhiqet se i ranë duart copë duke shkruar letra ku lutet që Basha t’ia varë pak.
‘Ed, ti ne fillim sikur ishte i kenaqur dhe i pa cenuar nga djegia e mandateve te opozites, ndersa sot te rane duart cope duke shkruar letra ku lutesh deshperimisht qe Lul Basha te ta var pak. A je ti ai, qe ne fillim thoje “le te ikin, opozita te tjera do vijne”? Lutesh e lutesh, se e ke kuptuar qe opozita e vertete ne kete vend eshte PD dhe jo lloj lloj partiçkash, qe kane te njejten gjatesi jete me nje teshtime tenden si ideator dhe financues.
Te te them diçka por mos u merzit..?! Luli jo vetem nuk te kthen pergjigje por as nuk i lexon letrat e tua, keshtu qe gjej nje menyre tjeter, dmth dorehiqu. Kaq. Tung. Puç…!’, shkruan ai.