Kur pritej që Junajtid të konfirmohej këtë sezon si pretendenti kryesor për titullin kampion në Angli, “Djajtë e kuq” vazhdojnë të zhgënjejnë dhe pas 4 javësh, shohin vetëm një fitore të marrë dhe 2 barazime.
Edhe sot, Junajtid ka ngecur në transfertë aty ku ka barazuar me rezultatin 1-1 ndaj Southemptonit. Në minutën e 10 të takimit, Xhejms ka arritur të shënojë një supergol duke dhënë idenë se kanë nxjerrë leksione nga ndeshjet e shkuara. Megjithatë, pak minuta pasi ka nisur pjesa e dytë ka ardhur edhe goli i barazimit aty ku Vestergard ka arritur të barazojë.
Në minutën e 73, vendasit kanë mbetur me 10 futbollistë duke qenë se Danso ka marrë edhe kartonin e dytë të verdhë duke u larguar nga fusha, e megjithatë Junajtid nuk ka ditur të përftojë duke e mbyllur takimin në barazim 1-1. Aktualisht, Junajtid renditet në vendin e katërt megjithatë gjithçka mund të ndryshojë pasi diferenca me vendin e fundit është vetëm 5 pikë.