Jurgis Çyrbja ka dorëzuar mandatin si deputet i PS, dhe vendimi është konsideruar nga SPAK si një lëvizje juridike-strategjike, me shpresën për ti shpëtuar ndjekjes penale nga Prokuroria e Posaçme.
Ky ndryshim kursi i Jurgis Çyrbja është veçse ti shpëtojë ndjekjes penale, ku deputeti i Durrësit rrezikon të meret i pandehur për akuzën e “Shpërdorimit të detyrës” së bashku me zyrtarë të tjerë të hipotekës Durrës.
Çyrbja ka argumentuar kërkesën për lënien e mandatit të deputetit, si një domosdoshmëri për tu marë me problemet shëndetësore. Me ndërprerjen e mandatit të deputetit, Çyrbja automatikisht humb funksionet juridike të zyrtarit të nivelit të lartë, duke futur procesin hetimor brenda një diskutimi ligjor për moskopetencën lëndore të vijushmërisë së hetimit të rastit.
Në kohën kur pretendohet se është kryer vepra penale, Çyrbia ka drejtuar hipotekën e Durrësit, dhe s’mund të hetohet nga SPAK por nga prokuroria lokale e rrethit. Gjasat janë që në të ardhmen, SPAK mund të shpallë moskopetencën dhe dosjen kundër tij, tia dërgojë për hetime të mëtejshme prokurorisë së Durrësit.
Një vendim i tillë nuk është marë ende nga SPAK, i cili pret të njihet zyrtarisht nga kuvendi për ndërprerjen e mandatit të zotit Çyrbja. Lëvizja e deputetit të PS në Durrës, erdhi vetëm pak orë pasi SPAK e thiri për ta pyetur për një kallëzim penal, të bërë në 2021 nga deputeti i PD, Edi Paloka, i cili pretendonte në atë kohë se Çyrbja ka “Shpërdoruar detyrën” me lejet e legalizimeve. /Ora News/