Justin Timberlake përfundon në pranga

Këngëtari Justin Timberlake është arrestuar për drejtimin e mjetit në gjendje të dehur. Ai u arrestua në Sag Harbor, një fshat në Hamptons, një destinacion popullor veror për të famshmit. Ylli i popit ka folur hapur në të kaluarën për problemet me alkoolin dhe ka kërkuar edhe ndihmë. Në New York të SHBA-së, dënimet për akuzat që lidhen me drejtimin e mjetit në gjendje të dehur përfshijnë deri në një vit burg, një gjobë prej 1000 dollarësh dhe pezullimin e patentës së shoferit për të paktën gjashtë muaj.