Juventusi nuk e braktis idenë për të risjellë Miralem Pjanic përsëri në radhët e,tyre por sinjale të përziera po vijnë nga Barcelona. Nëse merret si e mirëqenë që klubi katalanas është i interesuar të lejojë largimin e boshnjakut pas vetëm një sezoni, fakti që trajneri Koeman ka vendosur Pjanic në miqësoren kundër Nastic ka bërë që situata të mos duket aq e thjeshtë për Zonjën e Vjetër. Nuk ka gjasa që Barça të ndryshojë strategji, por Juventusi nuk është i vetëm në garë për Pjanic pasi edhe Tottenham ka shfaqur interes për të.
Sidoqoftë, përparësia për mesfushën e Allegrit mbetet Manuel Locatelli me lojtarin e Sassuolo i cili e ka bërë të qartë se ai dëshiron vetëm kalimin te bardhezinjtë. Drejtuesit e Sassuolos megjithatë nuk janë gati të pranojnë çdo lloj ofertë por kanë vendosur disa kushte ekonomike.
Jo-ja e parë për Juventusin erdhi në propozimin e 5 milion në vit për huanë dy-vjeçare plus 25 milion dhe bonuse. Sassuolo, kërkon një marrëveshje me detyrim blerjeje, por gjithashtu dëshiron të marrë të paktën 40-45 milion euro, teksa dhe Arsenali duket se është i gatshëm të paguajë pak a shumë një vlerë të tillë për Locatellin. Juventus ka si avantazh dëshirën e mesfushorit që është kalimi te Zonja e Vjetër. Kërkesa e Sassuolos është e qartë 8-10 milionë për huazimin, kontratë më detyrim blerjeje në shumën e 35 milionë eurove.
Download WordPress Themes Nulled and plugins.SHARE TWEET SHARE EMAIL