Ende pa filluar merkato, Juventus është vënë në lëvizje intensive për të tentuar të bindë lojtarët që synon të ketë në sezonin e ardhshëm.
Skuadra nga Torino po kërkon një zëvendësues për Paolo Dybala-n, duke qenë se ky i fundit nuk do të jetë pjesë e bardhezinjve në sezonin e ardhshëm. Aktualisht, një emër konkret është Raspadori megjithatë “Zonja e Vjetër” nuk do ta kishte problem të gjente edhe një lojtar tjetër, me më shumë eksperiencë.
Sipas asaj që bën me dije “Sky Sport”, ditët e fundit ka pasur kontakte mes Juventusit dhe rrethit të Angel Di Maria, sulmuesit të PSG të cilit i skadon kontrata në qershor. Ai mund të pranojë një kontratë 1 ose 2 vjeçare, pasi Di Maria dëshiron që kontratën e tij ta mbyllë në Argjentinë.