Aktori i humorit, Florjan Binaj ka reaguar përmes një postimi tjetër në rrjetet sociale për lajmet e publikuara në media përsa i përket rastit të parë me koronavirus në Përmet, i cili supozohet të jetë kontakt i Binaj.
Aktori thekson se atje ka shkuar më datë 7 qershor, dhe se nuk ka qenë në asnjë party e s’ka takuar asnjë person që nuk njeh. Binaj shkruan se ‘Report Tv’ dhe ata që kanë sajuar këtë lajm do përballen në gjykatë me të.
“Pash një “lajm” tek report tv që aktori i portokallisë Florian Bianj ka infektuar me Covid-19 qytetin e Përmetit dhe se personi i infektuar më paska takuar në party në Përmet para një jave… emrin të infektuarit nuk mund ta bëjmë publik për arsye etike ndërsa emrin time bënë llum…
Sa për sqarim, në Përmet kam qënë me dt.7 qershor dhe jo para një jave, s’kam qënë në asnjë party dhe s’kam qëndruar afër askujt që nuk njoh!
Kjo është një lojë e shpifur dashakeqe, e turpshme e bërë për të ulur dhe hedhur baltë mbi figurën time!
E vërteta do të dali në shesh shumë shpejt ndërkohë që report tv dhe ata që kanë sajuar këtë lajm, do të përballen shumë shpejt në gjykatë me mua!” shkruan Florin Binaj.
Binaj rezultoi pozitiv me COVID-19 dy ditë më parë dhe lajmin e dha vetë aktori përmes një reagimi në rrjetet sociale.
