Agim Kajmaku, ish kryebashkiaku i Vorës aktualisht është në kërkim për falsifikim dokumentesh dhe shpërdorim detyre, por kjo mesa duket nuk e ka ndaluar bashkëshorten e tij të fitojë tender nga një institucion publik.
Sipas Dosja.al, bashkëshortja e tij, Merita Kajmaku ka marrë një tender prej 6 milionë lekësh të reja nga Ministria e Brendshme. Ky tender është dhënë më 30 dhjetor 2019, në kohën kur i shoqi ishte në kërkim.
I shpallur në kërkim nga të gjitha autoritet shtetërore, Agim Kajmaku, kryebashkiaku në arrati i Vorës, përfiton tender nga Ministria e Brendshme përmes bashkëshortes së tij. Dosja.al zbulon se është institucioni që e ka shpallur në kërkim Kajmakun, ai që i jep atij një tender që mban datën 20 janar 2020. Tenderi me vlerë 6 milionë lekë, i jepet Kajmakut për të gjelbëruar një sipërfaqe brenda Kampusit Universitar në QSUT.
Agjencia e Blerjeve të Përqëndruara, e drejtuar nga Sandër Lleshaj, kompetencat të cilat i janë transferuar Sekretarit të Përgjithshëm, Plarent Ndreca, i ka dhënë një tender me vlerë 6 milionë lekë. Firma “Kajmaku sh.p.k”, e cila deri në muajin korrik 2019 ishte në pronësi të Agim Kajmakut, ka përfituar tenderin e firmosur më 30 dhjetor 2019.
Kajmaku ‘SHPK’ njihet publikisht si kompania e Agim Kajmakut. Në muajin Korrik 2019, pas akuzave të Partisë Demokratike, se Kajmaku kishte marrë përmes kompanisë së tij, rreth 2.6 milionë euro para publike, të marra përmes tenderave, Kajmaku ia ka transferuar kompaninë Merita Kajmakut, gruaja e Kajmakut, e cila tanimë rezulton se është aksionere e vetme e kompanisë.
Ish-kryebashkiaku i Vorës, Agim Kajmaku është në arrati që prej muajit nëntor 2019, bashkë me bashkëshorten e tij, madje edhe i biri ka deklaruar se nuk ka dëgjuar asgjë prej tyre Policia e ka shpallur në kërkim dhe po punon për kapjen e tij, në mënyrë që socialisti të përballet me drejtësinë, por mesa duket edhe me tenderat e fituar prej tij, teksa është në kërkim… shkruan Dosja.al