Jonida Maliqi ka folur për herë të parë për ‘arratisjen’ në jug që bëri me aktorin e humorit, Romeo Veshajn. E ftuar në emisionin “Pop Culture”, Maliqi nuk e pranoi se kishin qenë bashkë në bregdetin e jugut, por tha se gjithçka mund të ketë qenë një rastësi.
Referuar lajmeve që u publikuan nga të gjithë mediat, Jonida tha se e kanë masakruar pa arsye.“Disa individë më masakruan. Nuk e kuptoj përse. Kam qenë për punët e mia personale. Kisha marrë leje për të shkuar atje, por gjithçka ka qenë koincidencë. Ndoshta po i bënim karshillëk njëri-tjetrit,“- dëgjohet të thotë këngëtarja në videon e promos së emisionit.
Mediat ‘gëluan’ disa ditë më parë, kur çifti udhëtoi drejt jugut të Shqipërisë. Postimet e tyre në rrjetet sociale, treguan se ishin në të njëjtin vend, pavarësisht se asnjëri prej tyre s’e pranoi hapur.