Këngëtarja Jonida Maliqi ka bërë një rrëfim në lidhje me jetën e saj personale dhe karrierën ndër vite.
Për “Pushime On Top”, Maliqi tha se për momentin ndihet e plotësuar dhe e qetë me veten. Sa i përket dashurisë, artistja tregoi se ka vendosur të jetë më diskrete.
Çfarë ka ndryshuar tek ty, a je e lumtur?
Mendoj që askush nga ne nuk mund të jetë i lumtur për një kohë të gjatë. Po kam pasur momente të lumtura por edhe të trishta, e rëndësishme është t’i nisësh gjërat me pozitivitet. Duhet të kesh forcën për ti përballuar gjërat kur përjeton disfata.
Zemra si është?
E rëndësishme është që të jesh diskret me jetën personale, më herët gjithçka që kam dashur kam shprehur dhe nuk e kam vrarë mendjen, por tani që jam nënë mendoj të jem më shumë private. Jeta nuk është vetëm Instagram, por e rëndësishme është që unë jam në paqe me veten.
Nëse varesh nga një qenie tjetër je e groposur…
Saherë mund të dashurosh në jetë?
Mendoj se mund të dashurosh disa herë në jetë, por më bukur kur je e pjekur. Vlerësoj shumë meshkujt që respektojnë femrën.