Organi i akuzës ka sekuestruar sonte kamerat e lokalit “Dibra” në Klos të Matit.
Klientë të lokalit kanë pohuar për Policinë se tre vëllezërit Mjeshtri, Fiqiri, Fatmir e Besnik dhe dy prindërit e shoqëruar nga dy fëmijët e tyre adoleshentë kanë qëndruar sëbashku në një tavolinë dhe ata janë bërë dëshmitarë të një debati me tone të larta dhe fjalë fyese.
Të rinjtë Shira e Hasula janë “kritikuar” fort nga babai i vajzës Fiqiri Mjeshtri dhe dy vëllezërit e tij, duke i akuzuar ato se në rrjetet sociale dhe në shkollë nuk e kanë lënë rehat 16 vjeçaren.
Pa mbaruar mirë biseda mes “palëve” Fiqiri Mjeshtri ka dalë nga lokali dhe pasi ka vajtur te makina ka rrëmbyer armën e zjarrit dhe ka qëlluar mbi “miqtë” që kishte në tavolinë, duke tentuar t’i vrasë të gjithë.
