Kampi i refugjatëve n[ë Shëngjin, është tema kryesore në Shqipëri dhe Itali. Nënsekretari për zbatimin e programit të qeverisë në Itali, Giovanbattista Fazzolari ka dhënë një intervistë për Bruno Vespën ku foli për marrëveshjen për pritjen e emigrantëve të arritur mes Shqipërisë dhe Italisë.
Ai tha se maksimumi i lejuar nga ligji italian që emigrantët të mbahen në qendrat e pritjes është 18 muaj dhe më pas riatdhesohen. Emigrantët që do të mbërrijnë në Shqipëri nga pranvera e vitit 2024 do të parashikohen procedura të përshpejtuara në mënyrë që brenda 28 ditëve qeveria italiane t’u përgjigjet kërkesës së tyre për azil. Nëse nuk e përfitojnë diçka të tillë, atëherë, do të mbahen në ato qendra të ngritura deri në 18 muaj.
”Për 3 mijë emigrantët që do të mbërrijnë nga Lampedusa në vitin 2024 në anën tjetër të Adriatikut, do të parashikohen “procedura të përshpejtuara” në mënyrë që në 28 ditë të mund t’i përgjigjemi kërkesës. Më pas ata që nuk kanë të drejtë mund të mbahen në paraburgim deri në 18 muaj në pritje të riatdhesimit”,-u shpreh Fazzolari.