Një zjarr i fuqishëm ka shkatërruar kampin më të madh të refugjatëve në Greqi, atë të Moria në ishullin Lesbos.
Rreth 25 zjarrfikës luftuan me flakët, ndërsa emigrantët ishin evakuuar. Disa prej tyre kanë pasur lëndime nga tymi. Paraprakisht dyshohet se zjarri mund të jetë ndezur nga emigrantët që protestojnë kundër rregullave të koronavirusit, por kjo ende nuk është konfirmuar.
Autoritetet thonë se kampi është shkatërruar plotësisht ndërsa vetë kryeministri grek po zhvillon një takim urgjent për rastin.
