Kancelarja gjermane Angela Merkel do të presë në një takim kokë më kokë kryeministrin e Shqipërisë Edi Rama.
Vizion Plus mëson se vizita e shefit të qeverisë në Berlin do të nisë pikërisht me takimin me kancelaren gjermane mëngjesin e së premtes në 13 shtator në orën 9:30. Berlini zyrtar konfirmon se në fokus të takimin do të jenë hapja e negociatave të Shqipërisë me Bashkimin Europian në muajin tetor.
“Më 13 Shtator, kancelarja do të mirëpresë kryeministrin e Shqipërisë, Edi Rama, në Kancelarinë Federale në orën 9:30. Në fokus të diskutimit mes tyre do të jenë çështjet europiane, si dhe marrëdhëniet bilaterale dhe çështjet rajonale”, thotë Martina Fietz, zëdhënëse e kancelares gjermane.
Kryeministri Rama përveç takimit me kancelaren gjermane do të zhvillojë takime edhe me deputetët e grupit më të madh në parlamentin e Gjermanisë CDU/CSU ku pritet të takohet me nënkryetarin si dhe grupet e punës për çështje të Bashkimit Evropian, citon Vizion Plus.
Qeveria gjermane dhe aleatet e saj pritet te marrin vendimin për negociatat ne datën 24 shtator ndërsa 3 dite me vone Bundestagu do te shprehet me vote. Një dite me pare Deutsche Welle duke cituar burimet e Unionit CDU/CSU e shpreh se shumica e ligjvënësve gjermane janë te prirur për ti dhënë një PO me kushte Shqipërisë.