Kush do të jetë kandidati i opozitës në garën lokale për Tiranën? Mjeku Ilir Alimehmeti, i cili është përfolur si një nga emrat që mund të kandidojë për opozitën përballë Veliajt në zgjedhjet lokale për kryetar të Bashkisë së Tiranës, duket se ka nisur “fushatën” në rrjetet sociale.
Mëngjesin e kësaj të marte, ai ka postuar në facebook foto të rrugëve të bllokuara nga trafiku në kryeqytet.
“Mirëmëngjes nga Tirana jonë e bllokuar, pa qenë as ditë shiu! Për më shumë, e gjitha kjo kohë humbet duke djegur naftën më të shtrenjtë në Europë! Dhe në fund shkon e punon me nerva që në mëngjes për të marrë rrogën më të ulët në Europë”.
