Kandidati i PD për bashkinë e Vorës, Ymer Marku është shprehur se nuk mund të fitonte, ndërkohë që bandat janë bërë bashkë.
Burime për “Panorama.al” nga mbledhja e Kolegjit të Kryetarëve bëjnë të ditur se Marku ka deklaruar se për të marrë vota janë shpërndarë lekë, madje ka pasur edhe kërcënime.
Sipas tij, ajo që ndodhi në 6 mars konfirmon se bandat dhe non gratat fitojnë kundër Amerikës.
“Nuk mund te fitosh kur bandat behën bashkë me pushtetin siç janë Veliaj, Rakipi dhe bandat e tjera në lidhje me kërcënime dhe bashkë me kryepleqtë duke kërcënuar dhe duke ndarë lekët. Me dhune ato familje që nuk i pranonin lekët, atyre ju shkonin makinat në mes të natës te shtëpia e i kërcënonin. Si mund te fitojë PD apo Lulzim Basha kështu lere më të fitojë Ymer Marku. Kjo konfirmoi se bandat dhe non grata fitojnë kundra Amerikës. S’ka logjikë tjetër”.