Teksa u prezantua nga Sali Berisha si kandidat për Bashkinë e Rrogozhinës, Shkëlqim Hoxha, u shpreh se do t’ia nxijë jetën ish-kryeministrit duke i kërkuar fonde. “Nën drejtimin tim do të bëjmë të mundur rivitalizimin e të gjithë Rrogozhinës. Qytetarët do të kenë vëmendjen e duhur. Do të mbështesin me bursa të gjthë nxënësit që do të ndjekin arsimin profesional. Sot, asnjë nga shkollat nuk kanë ngrohje, kalamajt thajnë ftohti. Unë ju premtoj që një socialist nuk do ta ketë kurrë këtë fat që kanë demokratët sot nga bashkia, diskriminimin. Familjet janë të varfra dhe nuk sigurojnë as çapën e bukës, dhe për çfarë, për bindje! Ju kam premtuar që gjatë 4 viteve do të bëj investime sa s’janë bërë për 50 vjet. Tani meqënëse këtu kemi prezent dhe kryedemokratin, zotin Sali Berisha, i them, doktor do të të nxij jetën, do të më kesh tek dera e zyrës për fondet, nuk lëviz”, tha kandidati i Rrogozhinës.
Të fundit
Postime te ngjashme
Add A Comment