Kryetari i LEGA-s së djathtë, Mateo Salvini kërkon mbështetjen e emigrantëve shqiptarë në Itali në prag të zgjedhjeve parlamentare që pritet të zhvillohen në Itali më 25 shtator.
Kandidatja për deputete në parlamentin Italian, shqiptarja Anita Likmeta e cila kandidon në listën Impegno Civico të Partisë Demokratike ka reaguar ashpër pas kësaj thirrjeje të Salivinit.
“Salvini i pafytyrë, kërkon votën e shqiptarëve pasi i ka përbuzur prej vitesh. Fatkeqësi për të, sepse ne shqiptarët jemi njerëz krenarë, me dinjitet dhe kujtesë të shkëlqyer”, shkruan Anita Likmeta në llogarinë e saj publik në “Facebook”.
Më 20 shtator 2013, Salvini, përmes një postimi në rrjetet sociale, nuk e kurseu ironinë ndaj mbështetjes që drejtuesit e lartë të Unionit Evropian kishin shprehur për integrimin e Shqipërisë në BE.
Anita Likmeta, sipërmarrëse në fushën e inovacionit është kandidatja e parë shqiptare që konkurron për Dhomën e Deputetëve të Parlamentit Italian në zgjedhjet parlamentare që zhvillohen me 25 shtator.