Kanye West deklaroi se do të kandidojë për president të SHBA-së në zgjedhjet e 2024-ës.
Reperi, i cili ka ndryshuar ligjërisht emrin e tij në Ye, postoi një video të logos së fushatës së tij në mediat sociale, së bashku me mbishkrimin ‘Ye 24’.
Ai gjithashtu pretendoi se i kishte kërkuar Donald Trumpit që të ishte kandidati i tij, transmeton CNN.
West kandidoi më parë për president në vitin 2020, por ajo fushatë dështoi, duke tërhequr 70,000 vota. Pretendimet e tij të fundit erdhën në një video të postuar pasi West u pa në klubin e golfit Mar-A-Lago të Trump në fillim të kësaj jave, i shoqëruar nga Nick Fuentes, një nacionalist i njohur. West tha se kërkesa e tij për një kandidat ka lënë ish-presidentin, i cili kohët e fundit nisi fushatën e tij të rizgjedhjes , “më të shqetësuar”.