Analisti Namir Lapardhaja kaosin e sotëm në Kuvend, e quan një lojë tjetër politike për pazarin e radhës mes PD dhe PS. Për të Berisha po shfrytëzon rastin e Veliajt, që t’i kërkojë Ramës për të zgjidhur hallin e madh apo elefantin SPAK.
”Nuk e di pse i përdorin këto lloj skemash publike. Opozita dhe pozita janë afër zgjedhjeve dhe këto lloj konfliktesh janë të kota në gjykimin tim. Kjo lloj opozite e Berishës s’e ka herën e parë që e bën.
Po kërkojnë një pazar tjetër me Ramën dhe me këtë skemë, sa më e lartë të jetë ajo, aq më i lartë është pazari. Do ia dëgjojmë krismën. Me rastin e bashkisë së Tiranës, ndoshta po kërkojnë aleancë apo marrëveshje, të bëhen bashkë kundër Prokurorisë së Posaçme”, u shpreh Lapardhaja.