Zyrtarët e doganave britanike kanë sekuestruar 14 kg kokainë në vlerë më shumë se 1 milion paund që kontrabandistët kishin fshehur në një ngarkesë me maska për fytyrën.
Kokaina, e ndarë në 15 pako, u gjet në kuti plot maska për fytyrën kur u kontrollua një furgon me targa polake, tha ministria e Brendshme. Një 34-vjeçar polak u arrestua.
“Ky konfiskim është dëshmi e mëtejshme e mënyrës se si rrjetet kriminale po përpiqen të shfrytëzojnë shpërthimin e koronavirusit për në qëllimet e tyre,” tha Darren Herbert, menaxheri i operacioneve të Agjencisë Kombëtare të Krimit për portin e Dover.
“Ne po hetojmë se kush ishte prapa kësaj përpjekje trafiku, por çka është e qartë është se ata kanë marrë një goditje të konsiderueshme. Me çmimin e rrugës në Mbretërinë e Bashkuar, kjo ngarkesë mund të kishte mbledhur më shumë se 1 milion paund pasi të ‘pritej” – fitim që tani u është mohuar trafikantëve”.
Ian Hanson, drejtori rajonal i Forcave Kufitare në Coquelles, Francë, tha që një konfiskim i tillë tregoi largësinë në të cilën kontrabandistët ishin të gatshëm të shkonin.
Tregu i kokainës në Evropë vlen më shumë se 10 miliardë dollarë (8.02 miliardë £).
Prodhimi global i kokainës u rrit në 1.976 ton 100 përqind të pastër në vitin 2017 – më i madhi i raportuar ndonjëherë, sipas të dhënave më të fundit të Kombeve të Bashkuara për drogën. Prodhimi, kryesisht në Amerikën Latine, është rritur 50 përqind dekadën e kaluar.