Radhët në Kapshticë janë rikthyer pas vendosjes së kuotës prej 300 personash për të kaluar kufirin.
Që në mëngjes u ezauruan 300 qytetarët që u lejuan të hyjnë në Greqi, kurse të tjerët zënë radhë për të nesërmen.
Disa autobusë dhe dhjetëra automjete me njerëz janë në radhë teksa do të duhet të kalojnë natën aty. Një prej emigrantëve thotë se nesër i skadon tamponi, teksa sot s’ka ku të flejë dhe do të kalojë natën në doganë.
”Më skadon tamponi nesër. Do kthehem mbrapsht. Kam erdhur me autobus. është shumë vështirë në këto kushte. Do kalojmë natën këtu por s’kemi ku flemë. Ku t’i gjej lekët. ”- tha emigranti.