Kapsolla ndaj policisë, një i arrestuar dhe 4 të proceduar

Një i ri ka rënë në prangat e policisë, pasi u identifikua si një nga autorët që ka hedhur kapsolla gjatë protestës. Policia njofton se në pranga ra 19-vjeçari nga Tirana, ndërsa 4 të tjerë janë proceduar penalisht. Sipas Policisë, po vijon ende puna me këqyrjen e pamjeve filmike për identifikimin e personave të tjerë të përfshirë. Tre efektivë mbetën të lënduar prej kapsollave që u hodhën në momentin kur në podium u ngjit Sali Berisha.