Një shqiptar është vënë në pranga në Liguria të Italisë pasi është kapur me një kilogram kokainë. Mediat italiane shkruajnë se shqiptari po udhëtonte me një makinë sportive të llojit Audi A4 Rs në daljen e autostradës Sarzana.
Sapo e panë, karabineirët u intriguan nga ‘bisha’ e tij sportive dhe e ndaluan. Duke qenë se shqiptari ishte me banim në Como dhe nuk justifikonte dot presencën e tij në Liguria, makina e tij u mor për kontroll.
Pikërisht brenda mjetit të modifikuar, në një ‘xhep’ të krijuar në dyshemenë e saj, ishin fshehur 1 kg kokainë që ka vlerën e 300 mijë eurove në treg. I riu u arrestua për posedim dhe transport droge, ndërsa lënda narkotike dhe makina iu bllokua.