Presidenti amerikan Joe Biden njoftoi të enjten se ka zgjedhur Karine Jean-Pierre si zëdhënëse të Shtëpisë së Bardhë. Karine Jean-Pierre do të pasojë Jen Psaki, e cila është me origjinë greke dhe do të largohet më 13 maj.
Jean-Pierre, 44 vjeç, lindi në Martinique dhe erdhi në Shtetet e Bashkuara në moshën pesë vjeçare. Ajo fitoi përvojë politike në stafin e ish-presidentit Barack Obama dhe ishte bashkëpunëtore e Zëvendës Presidentes Kamala Harris.
Karine Jean-Pierre do të jetë e para zezake dhe lezbike që do të marrë postin e zëdhënëses së Shtëpisë së Bardhë.