Përfaqësuesi i PD-së, Ivi Kaso ka reaguar pas rrëzimit të propozimit të PD-së në lidhje me fletën e votimit me emra.
Ai tha se kryeministri Edi Rama do që fleta të jetë me numra pasi kërkon të fshehë kandidatët.
Sipas Kasos ky vendim do të apelohet në Kolegjin Zgjedhor siç e lejon dhe proçedura duke u bërë thirrje të gjithë qytetarëve që të kenë kujdes.
“Është shumë e qartë se çfarë është duke bërë Rama, ai e kupton që do të humbasë është shumë e qartë që do të manipulojë me çështjen e logos, vendimi i sotëm është në kundërshtim me ligjin, shiheni dhe çfarë po përpiqen të bëjnë. Ne do ta apelojmë vendimin e sotëm. Rama është i turpëruar, ai nuk do që njerëzit të shohin se për kë po votojnë. U bëj apel që të kenë kujdes sepse po i fsheh për publikun. Ne do ta apelojmë këtë vendim. Ajo që ai bën është përpjekja për të votuar zgjedhjet me lojërat e tij të pista. Shqiptarët e dinë dhe janë të ngopur me marifetet e ndyra. Të hedhim poshtë mashtrimet për të luajtur zgjedhje demokratike”,- tha Kaso.
Në mbledhjen e ditës së sotme KAS rrëzoi vendimin e KQZ-së për lista të hapura, duke pranuar kështu propozimin e PS-së për lista me numra. Gjithashtu KAS theksoi se fleta do të jetë horizontale.