Katari është bërë ndërmjetësi kryesor për fatin e pengjeve izraelitë të mbajtura nga Hamasi. Ata dyshohet të jenë rreth 200.
Negociatat e kanë shtyrë Katarin të ndërmarrë këtë akt balancues delikat ndërkombëtar, pasi që ky shtet ruan një marrëdhënie me ato grupe që Perëndimi i konsideron “grupe terroriste”, ndërsa përpiqet të ruajë lidhjet e ngushta të sigurisë me Shtetet e Bashkuara.
Sipas marrëveshjeve që rrjedhin nga armëpushimet e kaluara të Hamasit me Izraelin, Katari ka paguar pagat e nëpunësve civilë në Rripin e Gazës.
Gjithashtu ka ofruar transferta të drejtpërdrejta të parave për familjet e varfra dhe ka ofruar lloje të tjera ndihme humanitare për palestinezët në Gaza, raporton Al Jazeera.
Përveç këtyre, Hamasi ka pasur edhe zyrën politike në kryeqytetin e Katarit, Doha, për më shumë se një dekadë.