Pakënaqësia në zonën e Valencias me autoritetet e qeverisë është e madhe. Mbreti dhe kryeministri janë pritur me protesta popullore, teksa numri i viktimave rritet çdo ditë pas fatkeqësisë natyrore që goditi rajonin jugor të Spanjës ditë më parë (deri tani 2017 të vdekur).
Banorët e zonës së Paiportes goditën makinën e presidentit të qeverisë, Sanchez, i cili vendosi të largohej me nxitim, ndërsa familja mbretërore duroi britmat, fyerjet dhe baltën e hedhur.
Rebelimi i baltës përfundoi me momente tensioni maksimal. Ardhja e mbretërve, presidentit të qeverisë, Pedro Sánchez, dhe presidentit të Generalitat, Carlos Mazón, përfundoi me një shpërthim zemërimi dhe indinjate që çoi në shpërthime dhune.
Në mes të shpërthimit, britmave, sharjeve dhe shiut të gurëve e fshirjes, kryetari i qeverisë vendosi të ndërpresë vizitën dhe të largohet i shoqëruar nga një pjesë e shërbimit të tij të sigurisë, duke kërkuar makinën me të cilën do të nisej, siç shihet edhe nga pamjet. Mjeti përfundoi i goditur keq, me xhama dhe pasqyrë të thyer, por nuk ka raportime nëse kryeministri Sanchez mori lëndime.
Mbreti Felipe, së bashku me mbretëreshën Leticia, e duruan vizitën dhe u përpoqën të dialogonin dhe të dëgjonin banorët e Paiportës që ishin mënjanë. Ndërsa Sanchez u përpoq të largohej dhe u ndoq nga disa banorë, duke i hedhur një shkop që e goditi në shpinë, raporton “Marca”.