Princesha e Uellsit Kate Middleton ka kaluar në popullaritet Princin William. Një sondazh nga agjencia e sondazheve Savante të kryer për Independent, tregon që Kate e cila aktualisht po trajtohet për një formë të paspecifikuar të kancerit, mbështetet nga 62 për qind e të anketuarve, ndërsa Princi i Uellsit favorizohet nga 61 për qind e të anketuarve britanikë.
Princi Andrew pasi u shoqërua me pedofilin e dënuar Jeffrey Epstein, u zgjodh si anëtari më pak i preferuar i familjes mbretërore – ai mbështetet nga vetëm 14 për qind e të anketuarve.
Çifti Princi Harry dhe Meghan Markle po përballen me mungesën e popullaritetit. Harry mbështetet nga vetëm 29 për qind e të anketuarve, ndërsa gruaja e tij Meghan është edhe më pak e popullarizuar me vetëm 25 për qind të mbështetjes së të anketuarve.