Deputeti i PD-së Belind Këlliçi dhe Gerti Bogdani janë 2 kandidaturat që deri më tani janë shpallur se do të kandidojnë në primaret e Partisë Demokratike për të garuar për Kryebashkiak të Bashkisë së Tiranës në zgjedhjet që do të mbahen në 14 Maj 2023.
I ftuar në “Milori Live”, deputeti Këlliçi ka deklaruar arsyet që e shtynë drejt kandidaturës për kryetar të Bashkisë së Tiranës. Gjatë fjalës së tij, Këlliçi ka thënë se “nuk mund të qëndronte më dëshmitar okular i shkatërrimit të qytetit të tij”.
Belind Këlliçi: Nuk mund të qëndroja më dëshmitar okular i shkatërrimit të qytetit tim. Ky është një qytet që unë e dua, jam i lindur dhe i rritur këtu, kam pasur mundësinë të iki nga ky qyetet, te studio jashtë, por kam zgjedhur të qëndroj këtu. Nuk mund të ia lejoj vetes që të mos reagoj, të mos ngre zërin dhe të mos tentoj të çrrënjos një model. Nuk kam hyrë në këtë garë për t’u përballur me individin Erion Veliaj, por me modelin Erion Veliaj. Me modelin që në këto 7 vite i ka bërë një dëm të jashtëzakoshëm Tiranës. Nuk është dita më e mirë e PD, por gjykoj që një i ri duhet të marrë vendime të vështira dhe të kurajon për të dhënë një alternativë dhe gjykoj se ky është momenti i duhur për të rinjtë për të marë përgjegjësi. Sigurisht e kam komoditetin që kam një mandat deputeti dhe mund të bëj betejën time aty, por këto në fund të ditës përballë rrezikun që i kanoset Tiranës.
Depueti i PD-së Këlliçi ka thënë se në datën 6 Nëntor është afati i fundit për të dorëzuar kandidaturat për kandidatë në primaret e PD-së.
Belind Këlliçi: Jemi në një proces të brendshëm që ndodh për herë të parë që gjykoj që vlen për t’u përshëndetur, i jep fund autokracisë në politikën shqiptare, pra i heq fuqinë kryesisë, kryetarit të partisë dhe ia delegon anëtarëve. Deri në datë 6, ditën e dielë kemi afat për të dorëzuar kandidaturat të gjithë ata që duan të jenë kandidatë në këto primare. Pas datës 6, besoj në 2-3 ditët e para do të ketë një mbledhje të kryesisë për të shqyrtuar kandidaturat dhe do të vendoset një kalendar dhe gjykoj që afati i fundit është data 4 Dhjetor për të përfunduar primaret në Tiranë, Elbasan dhe në Durrës.