Prej kohësh ai nuk është aktiv në skenën muzikore shqiptare, por me siguri të gjithë e mbani mend. Bëhet fjalë për Bertan Asllanin i cili u shpërngul në Turqi ku publikoi disa këngë në gjuhën turke si dhe filloi edhe profesionin e ri si aktor. Bertani mori pjesë në disa seriale turke, njëri ndër ta ishte edhe “Goç Zamani”, ku luajti së bashku me aktoren e njohur turke Cansu Tosun. Këngëtari shqiptar nga Maqedonia, Bertan Asllani, prej disa vitesh po e vazhdon karrierën e tij në Turqi, ku ka korrur sukses të madh dhe emri i tij është bërë mjaft i njohur.
Ai është parë shpesh në shoqërinë e personazheve të famshëm të filmave turq, ndërsa me aktoren turke Hazal Senel është prej disa kohësh në një lidhje dashurie.
Madje ditën e sotme Bertani ka postuar një foto bardhë e zi ku shfaqet duke pozuar pranë Hazalit e foton më pas e ka ripostuar edhe aktorja duke e shoqëruar me një zemër.