Këpucët e papërshtatshme, arsyeja kryesore pse ju dhembin këmbët

Të zgjedhësh këpucët e duhura nuk ka të bëjë vetëm me modën apo tendencat e fundit, por komoditeti dhe rehatia juaj duhet të jetë primare. Nëse këmbët ju dhembin në mënyrë ta vazhdueshme, ju po vishni këpucët e papërshtatshme. Cilat janë këpucë nga të cilat duhet të bëni pak pushim:
Këpucët e sheshta
Këpucët balerina apo pupat aq të dashura për të gjitha vajzat përbëjnë një rrezik të madh. Nëse shputa e këmbëve qëndron për një kohë të gjatë rrafsh me tokën, dhimbja do t’ju fillojë përgjatë shtyllës kurrizore deri në fundshpinë. Ortopedët rekomandojnë që këpucët duhet të jenë pak të ngritura nga toka. 
Këpucët me taka të larta
Çdo takë mbi 4 centimetra e vë trupin tuaj në një pozitë të panatyrshme. Sa më të larta takat, aq më shumë probleme do t’ju shkaktojnë pasi e gjithë pesha e trupit nuk do të shpërndahet në mënyrë të ekuilibruar në këmbët tuaja.
Nuk janë vetëm këpucët ato që përkeqësojnë situatën tuaj, por dhe qëndrimi i gjatë në këmbë shkakton dhimbje kronike. Çdo dy orë duhet të bëni një pushim të uleni dhe të ushtroni këmbët tuaja. Me një shishe apo me një top të vogël duhet të bëni disa lëvizje në mënyrë që të çlironi muskujt e këmbëve. Duke e vendosur poshte këmbëve ajo që duhet të bëni është vetëm të rrëshqisni këmbët tuaja.