Kryetarja e Kuvendit të Kosovës Vjosa Osmani është kërcënuar me jetë pasditen e djeshme. Lajmi bëhet i ditur nga mediat e Kosovës, ku flitet për një kërcënim në gjuhën angleze në profilin e saj në Tvvitter.
Kjo është konfirmuar edhe nga Policia e Kosovës, përmes raportit 24 orësh. “Ankuesi mashkull kosovar, ka raportuar se në llogarinë e rrjetit social Tëiter ka ardhur një kërcenim në gjuhen angleze. Lidhur me rastin është njoftuar prokurori”, thuhet në raportin e Policisë.
Drejtori për komunikim me publikun në Kuvendin e Kosovës, Musli Krasniqi nuk ka pranuar të flasë për këtë çështje.
Media ka provuar të kontaktojë edhe me zyrtarët për media në kabinetin e kryeparlamentares, por deri tani as ata nuk janë përgjigjur.