Presidenti i Serbisë, Aleksandër Vuçiç ka shpresa që marrëveshja me Kosovën për dokumentet dhe targat e makinave të arrihet para 1 shtatorit. Në të kundërt, paralajmëroi presidenti i Serbisë, serbët e Kosovës mund të largohen nga të gjitha institucionet.
“Kemi mbështetjen e përfaqësuesve të serbëve të Kosovës për të gjetur një zgjidhje kompromisi me qeverinë në Prishtinë për çështjen e targave të automjeteve dhe dokumenteve serbe të udhëtimit.
Jam i vendosur të kërkoj një zgjidhje kompromisi me Kosovën për dokumentet e identifikimit dhe targat brenda dhjetë ditëve, pasi qeveria e Kosovës në 1 shtator pritet të nisë zbatimin e masave të reciprocitetit për këto dy çështje. Serbët e Kosovës mund të largohen nga të gjitha institucionet nëse nuk gjendet zgjidhje për shqetësimet e tyre”.