Skuadra e Real Madrid nuk e ka fshehur asnjëherë interesimin për mesfushorin danez Christian Eriksen, të cilin e ka kërkuar që verën e kaluar. Tashmë, me rikthimin e Zinedine Zidane në stol, skuadra “merenguges” është hedhur sërish në sulm.
Gjithsesi, Tottenham nuk ka ndërmend të shesë lirë lojtarin dhe sipas të përditshgmes britanike “The Mirror” ka rritur çmimin e lojtarit. Skuadra londineze ka bërë me dije se kërkon 130 milionë stërlina për Eriksen (160 milionë euro), një shumë tepër e lartë.
Mësohet se presidenti i Tottenham, Daniel Levy, ka ngriturkërkesën e tij, pasi e konsideron mesfushorin 28-vjeçar si të rëndësishëm për skuadrën e tij. Nëse kjo shumë konfirmohet, atëherë Eriksen do të bëhet lojtari më i shtrenjtë në histori, pas Neymar dhe Mbappe.