Këshilli i Milanos miraton shitjen e stadiumit, i hapet rruga prishjes së ‘San Siros’ dhe ndërtimit të stadiumit të ri

Pas gati 12 orësh debate, Këshilli i Qytetit të Milanos miratoi vonë mëngjesin e sotëm rezolutën për të shitur stadiumin ‘San Siro’ te Interi dhe AC Milani. Rezoluta u miratua me 24 vota pro, 20 kundër dhe asnjë abstenim. Dy këshilltarë nuk morën pjesë në votim. Siç u njoftua, Forza Italia nuk ishte e pranishme, përveç një këshilltari që nuk pajtohet me vijën e partisë, Alessandro De Chirico, i cili votoi kundër. Me rezolutën, Këshilli i Qytetit po ua shet ‘Meazzën’ dhe zonat përreth klubeve për 197 milionë euro, për t’u lejuar atyre të ndërtojnë një stadium të ri, ndërsa ‘San Siro’ ikonik do të shembet.