Pas tensionimit të situatës në veri, ka dalë një reagim nga Zyra e Presidentes Vjosa Osmani, e cila vetë nuk është deklaruar akoma.
Shefi i Stafit të Presidentes Blerim Vela thotë se barrikadimi i rrugëve në veri po bëhet me urdhër direkt të Presidentit serb, Aleksandër Vuciç.
“Me urdhër direkt të Vuciçit, strukturale ilegale të Serbisë në Kosovë kanë vendosur barrikada në disa rrugë në veri. Kjo është përpjekje flagrante për të minuar sundimin e ligjit në Kosovë”, thuhet në shkrimin Veles.
“Vuciç bart përgjegjësinë e plotë në rast të ndonjë eskalimi të situatës në terren. Ai do të dështojë”, thuhet me poshtë në postimin e tij në Twitter.
Pak më herët, Kryeministri Albin Kurti ka dalë me një video ku bën përgjegjës për trazira presidentin serb dhe vartësi i tij, Petar Petkoviç, i cili drejton një zyrë të ashtuquajtur “për Kosovën” në Serbi.