Me mbylljen e kësaj jave, ku shumë gra të pafajshme ranë viktima të dhunës barbare burërore, zv kryeministri Braçe postoi një shkrim prekës.
Përmes një fotoje, ku Ennio Morricone një prej kompozitorëve më të mëdhenj të botës duke puthur dorën e presidentes së Senatit të Italisë, Casellati, ai shprehu gjithë respektin që meriton një grua.
“KËSHTU PUTHET NJË GRUA!”, e nis shkrimin e tij Braçe.
“Java që mbyllet sot,riktheu barbarine tonë “burrërore” kundër grave e vajzave në këtë vend!Pas cdo krimi qëndron një kriminel,pas cdo vrasje të një gruaje, vajze, qëndron një barbar!
Gjithcka nis tek edukimi rreth respektit,dinjitetit, kulturës;
Dashuri është por dashuria nuk mësohet!Zoteria në foto është një “tingull dashurie”- Ennio Morricone, një prej kompozitorëve më të mëdhenj lumturisht në jetë;
Zonja në foto është presidentja e Senatit të Italisë, Casellati;
Shihni e mesoni, respektin e elegancen e këtij burri tek puth dorën e një gruaje!
Të ngresh dorën e të mbysësh një grua, në këtë vend është bërë e thjeshtë.
Po këtë, që sheh në foto a e bën dot?Nuk të zhbën, nuk të humb burrëria prej respektit, dinjitetit, dashurisë,mbaje mend këtë!
Dua ta sjell tingullin e jashtëzakonshem të Ennio Morricone si homazh per gratë e vajzat që barbaria burrërore ju mori jetën këtë javë!Dëgjoje!Mbase kupton cfarë ke bërë!”, ka shkruar zv. kryeministri i Shqipërisë.
Kujtojmë që gjatë kësaj javë kanë ndërruar jetë shumë gra të pafajshme, vajza që u vra në Australi bashkë me bashkëshortin e saj, nga babai, rasti i Paskuqanit, ku kunati vrau kunatën, apo rasti ekstrem i Mallakastrës, ku nipi i bashkëshortit bashkë me shokët e tj përdhunojnë dhe vrasin gruan 50-vjeçare.