Kanë kaluar tri ditë nga eliminimi i Juventusit në çerekfinale të Ligës së Kampionëve nga Ajax dhe vijon heshtja e aktorëve kryesorë në Torino. Megjithatë, sot, në rrjetet sociale, është shfaqur një video, që rindez diskutimet.
Pamjet (të publikuara në Instagram nga Tackle Duro) flasin vetë.
Në momentin e vërshëllimës përfundimtare në stadiumin “Allianz”, Cristiano Ronaldo shikon nga stoli dhe bën një gjest elokuent, duke treguar se dikush kishte frikë.
Hipotezat kanë shpërthyer menjëherë, duke aluduar se ndoshta po i referohej trajnerit Massimiliano Allegri, për një qasje të tillë taktike, që nuk e ka bindur CR7.