Vajzat e familjes Kardashian-Jenner janë gjithmonë në qendër të vëmendjes së mediave. Ka shumë raste që ato kanë rënë pre e akuzave nga ana e publikut për rritjen e fëmijëve të tyre. Së fundmi edhe Khloe është kritikuar shumë për këtë pjesë dhe fansat kanë vënë re një detaj shumë të rëndësishëm. Ylli i “Keeping Up With the Kardashians” ka publikuar në “Instagram” një fotografi të thonjve që duken shumë të gjatë.
Menjëherë të gjithë fansat janë hedhur në “sulm” për ta akuzuar se ajo nuk mundet të sillet si të gjitha nënat me vogëlushen e saj, për shkak të thonjve. Megjithatë Khloe nuk e qëndroi në heshtje, por vendosi të reagonte nëpërmjet një statusi në ‘Twitter’. “Është e mërzitshme kur njerëzit flasin keq për mua për thonjtë. Më besoni, e menaxhoj shumë mirë. Në të njëjtën mënyrë siç kujdesem për veten, kujdesem edhe për vajzën time. Ka gjëra më serioze për të diskutuar. Të paktën kështu do shpresoja”, – ka shkruar Khloe. Gjithsesi ajo ka vërtetuar shpesh se është nënë shumë e kujdesshme dhe ndoshta thonjtë e gjatë nuk mund të hedhin poshtë të gjithë mundin e Khloes ndaj True gjatë këtyre muajve. / revistawho.com