Khloe Kardashian e ka bërë realitet ëndrrën e një fansi të saj të madh. Në moshën 34 vjeçare, ylli televiziv më në fund ka shkuar në mbrëmjen e saj të parë të maturës, kjo falë ftesës që ka marrë nga një fans.
Kardashian ka shoqëruar fansin e saj Narbeh në mbrëmjen e maturës të Hoover High School në Glendale të Kalifornisë.
“Mbrëmja ime e parë e maturës ku unë kisha shoqëruesin më të mirë ndonjëherë. Ne u argëtuam shumë. Sa i bukur është shoqëruesi im?”, ka shkruar Kardashian në Twitter.
https://twitter.com/khloekardashian/status/1135014424350035968/photo/1
Në ndërkohë fansi i saj “i çmendur” ka postuar disa fotografi me yllin e “Keeping Up With The Kardashians” në Instagram.
“Khloe Kardashian është shoqëruesja ime e mbrëmjes së maturës. Po ndjehem jashtëzakonisht i lumtur”, ka shkruar ai në postimin e tij ku ka bashkangjitur disa fotografi.