Kiara Tito është mjaft aktive në rrjete sociale dhe herë pas here publikon foto të kuruara për të reklamuar edhe veshjet me kompanitë me të cilat bashkëpunon. Çdo foto e saj është thuaje perfekte, por për ta realizuar një të tillë nuk është aspak e lehtë. Madje duket se nuk është vetëm Kiara ajo që impenjohet për fotot e saj, por edhe mikeshat që i qëndrojnë pas për të rregulluar çdo detaj që nuk duket mirë. Moderatorja ka treguar se pas fotove të bukura qëndron mikesha e saj e njohur, Liesa Haxhiasllani, që kujdeset të fiksojë çdo imazh në momentin e duhur. Kiara ka postuar në ‘Instagram’ një foto në të cilën duket mjaft sensuale dhe përkrah saj ka shkruar: “E zënë duke pozuar. Shtyni për të parë çfarë ndodh në të vërtetë”. Ajo ka publikuar edhe një video ne të cilën shihet se si Liesa e mëson të pozojë për të kapur imazhin perfekt dhe njësoj si Kiara ajo ulet në tokë për të arritur rezultatin e duhur.
Më pas Kiara e ka falenderuar Liesën për punën që ka bërë dhe kjo e fundit i është përgjigjur me shaka se këtej e tutje duhet ta paguajë.
Kjo situatë mes Kiarës dhe Liesës duhet të jetë mjaft familjare për të gjitha vajzat, që çdo foto të bukur ua besojnë shoqeve të tyre. Duke ditur sa shumë rëndësi kanë sot rrjetet sociale, sidomos për një personazh të njohur si Kiara, kuptohet çdolloj sakrifice për realizimin e fotos së duhur