Pas akuzave të bëra pak orë më parë nga ish-kryeministri SaliBerisha, i cili tha se ambasadorja amerikane Yuri Kim po ndërhyn në gjykatë lidhur me çështjen gjyqësore në të cilën është Partia Demokratike, kjo e fundit ka reaguar duke i’u kundërpërgjigjur Berishës.
Kim tha se Shba thjesht ka inkurajuar gjyqtarët dhe prokurorët që të bëjnë punën e tyre përtej kërcënimeve, si dhe garantoi që SHtetet e Bashkuara të Amerikës do vazhdojnë të mbështesin reformën në drejtësi në Shqipëri dhe luftën kundër korrupsionit.
Reagimi i plotë i Yuri Kim:
Nëse “ndërhyrja në procesin gjyqësor” nënkupton inkurajimin e gjyqtarëve dhe prokurorëve që të bëjnë punën e tyre pavarësisht kërcënimeve apo nxitjeve, duke e bërë të qartë se SHBA do të vazhdojë të mbështesë zbatimin e reformës në drejtësi në Shqipëri, duke nënvizuar se askush nuk është mbi ligjin dhe duke kërkuar që … të gjithë ne duhet të bëjmë pjesën tonë për të luftuar kundër korrupsionit dhe pandëshkueshmërisë, atëherë PO, SHBA ka bërë dhe do të vazhdojë të bëjë pikërisht këtë – sepse lufta kundër korrupsionit dhe përpjekjet për të minuar demokracinë përbëjnë një interes thelbësor të sigurisë kombëtare të SHBA.