Lideri i Koresë së Veriut, Kim Jong Un deklaroi në një konferencë për mediat se ka ardhur koha për ta përcaktuar Korenë e Jugut si shtetin më armiqësor ndaj vendit të tij.
Kim e akuzoi Seulin se prej kohësh ka nxitur konfrontimin dhe ka nisur një garë armatimesh, teksa përsëriti thirrjen se Koreja e Veriut duhet të shtojë kapacitetet ushtarake për vetëmbrojtje dhe parandalimin e luftës bërthamore.
Udhëheqësi komunist e cilësoi përkeqësimin e marrëdhënieve midis dy Koreve si një fazë të re realiteti të pashmangshëm.
“Në asnjë mënyrë ne nuk do të veprojmë në mënyrë të njëashme për të sjellë një ngjarje të madhe me fuqi dërrmuese në Gadishullin Korean, por nuk kemi asnjë synim që të shmangim një luftë”, tha Kim Jong Un.