Kim Kardashian duket se nuk ka diçka që nuk mund ta bëjë. Së fundmi, ajo do t’i shtojë CV-së së saj një pozicion tjetër, atë të aktores, teksa përgatitet të luajë në sezonin e 12-të të “American Horror Story”.
Lajmin e ka bërë të ditur vetë ajo përmes një postimi në Instagram. Kim postoi një video me muzikë rrëqethëse dhe një mbishkrim me një pikë gjaku dhe një sy.
Do ta shohim këtë verë përkrah Emma Roberts, në serinë e re të episodeve të quajtur Delicate. Ende nuk dimë informacione për rolin e saj dhe as sa e gjatë do jetë përvoja e saj aty.