Kim Kardashian duket se e ka totalisht të pamundur të gjejë dashurinë pas ndarjes nga Kanye West. Ajo plotësoi letrat për divorc nga reperi në muajin shkurt dhe që prej asaj kohe ka qenë në kërkim të dashurisë, por deri më sot ka rezultuar pa fat.
Pavarësisht se është një nga gratë më të famshme dhe të pasura në botë, ajo nuk ka arritur ende të gjejë dikë të përshtatshëm dhe duket se këto kohë ka marrë shumë refuzime. Një burim pranë saj ka treguar për revistën “Heat” se Kim po kalon një kohë të vështirë pas divorcit me Kanye.
“Kim po kalon një kohë të vështirë për të gjetur dikë të njohur, të fuqishëm dhe seksi për t’u lidhur me të. Ajo ka piketuar disa aktor, basketbollistë dhe disa muzikantë. Madje i ka kontaktuar vetë disa prej tyre dhe të gjithë ata janë larguar. Askush nuk i dëshiron dramat që vijnë pas lidhjes me Kim”, është shprehur burimi.
Nga ana tjetër më herët është përfolur se ajo ka pasur një romancë me avokatin Van Jones dhe këngëtarin Maluma. Mirëpo Kim Kardashian i hodhi poshtë të gjitha këto thashetheme disa javë më parë. Ylli i televizionit e mohoi të ketë pasur lidhje dashurie me ta, madje shtoi se Jones i ka dërguar mesazhe, ku i thoshte se pas këtyre thashethemve ka pasur më shumë kërkesa për takime romantike.