Zonja e Parë e Koresë së Jugut Kim Keon-hee ndodhet në Mbretërinë e Bashkuar ku ajo dhe bashkëshorti i saj Yoon Suk-geol po priten nga Mbreti Charles dhe Mbretëresha Camilla. Por ajo që ka shkaktuar bujë në rrjetet sociale është se zonja Hee – ish-drejtuese e një kompanie – është 51 vjeçe dhe duket të paktën shumë më e re.
Duke folur për Femail, një dermatologe kozmetike zbuloi se “pamja e jashtëzakonshme e zonjës Kim që sfidon moshën”mund t’i atribuohet një kombinimi trajtimesh të ndryshme.
“Fillers dhe botox përdoren për të arritur një pamje më të freskët pa pasur nevojë për kirurgji. Këto trajtime mund të ndihmojnë në zbutjen e linjave të holla dhe rivendosjen e volumit, duke i dhënë një pamje natyrale rinore. Çehrja e ndritur e Zonjës së Parë mund të jetë rezultat i një rutine të veçantë të kujdesit të lëkurës, ndoshta duke përfshirë kozmetikë të nivelit mjekësor dhe produkte të avancuara për kujdesin ndaj lëkurës. Përveç trajtimeve profesionale, faktorët e stilit të jetesës si dieta e ekuilibruar, stërvitja e rregullt dhe hidratimi i duhur luajnë një rol të rëndësishëm në ruajtjen e një pamjeje rinore.”
Kush është Kim Keon Hee – Historia e dashurisë me Yoon Suk-geol
Për vite, Hee ishte gruaja pas organizimit të ekspozitave më të shtrenjta të artit në Korenë e Jugut. Nga marsi 2022, ajo u bë Zonja e Parë e vendit. Bashkëshorti i saj, ish-prokurori i përgjithshëm Yoon Suk-geol, u betua si presidenti i 20-të i Koresë së Jugut më 10 maj, pas një fushate zgjedhore shumë të kontestuar. Ndryshe nga paraardhësit e saj që marrin një rol aktiv, Kim mbeti në hije.
“Unë do të qëndroj në krah të tij dhe do ta ndihmoj me delikatesë që të kryejë me besnikëri detyrat e tij ndaj popullit,”-tha ajo kur bashkëshorti i saj u zgjodh president.
Çifti u martua në vitin 2012 dhe nuk kanë fëmijë. Ata jetojnë në lagjen e pasur të Seocho në Seulin jugor me katër qen dhe tre mace. Shumë ambicioz, të dy ishin plotësisht të përkushtuar ndaj karrierës së tyre. Yoon studioi drejtësi dhe më vonë iu bashkua zyrës së prokurorit të shtetit, ndërsa Kim studioi art dhe kaloi disa vite mësimdhënie. Nuk dihet shumë për jetën personale të çiftit, përveç faktit se ajo u njoh me Yoon nga një murg dhe ata u takuan për dy vjet para se të martoheshin. Ajo atëherë ishte 40 vjeç, ndërsa ai 52 vjeç.
Kim qëndron në mënyrë diskrete në krah të bashkëshortit të saj dhe thuhet se është “asistentja sekrete” e tij që e këshillon të marrë vendime të mençura./Zëri.ai