Kina ka njoftuar një tarifë të re prej 125% për importet amerikane, shkruan BBC.
Kjo është një rritje e dytë e tarifave doganare e cila duket se shton tensionin në një luftë tregtare që rrezikon të dëmtojë zinxhirët globalë të furnizimit.
Ministria e Financave e Kinës deklaroi se nëse SHBA këmbëngul që të vazhdojë të shkelë interesat e Kinës në mënyrë thelbësore, Kina do të marrë kundërmasa vendimtare dhe do të luftojë deri në fund.
“Vendosja nga SHBA e tarifave anormalisht të larta ndaj Kinës shkel rëndë rregullat ndërkombëtare dhe ekonomike të tregtisë, ligjet themelore ekonomike dhe sensin e zakonshëm dhe është plotësisht një akt i njëanshëm i ngacmimit dhe presionit”, thuhet në një deklaratë të Ministrisë së Financave të Kinës.