Prokuroria Publike e Brukselit ka lëshuar një urdhër-arresti ndaj një oficeri të policisë së Brukselit të ndaluar për trafik droge.
Sipas mediave belge, një hetim policor për trafikun e drogës rezultoi në arrestimin e një oficeri policie në Bruksel-Midi, si dhe tre të dyshuar të tjerë, të cilët janë identifikuar si shqiptarë.
Gjatë këtij aksioni policia ka zbuluar 100 plantacione kanabisi, tre prej të cilave u gjetën poshtë banesës së policit si edhe mijëra euro “cash”. Ndërkohë sipas autoriteteve të zonës, polici në fjalë ishte i pezulluar.
Sakaq, ndaj të arrestuarve është vënë një urdhër arresti nga gjyqtari hetues në kuadër të një hetimi për shitjen e lëndëve narkotike.