Pronari i një lokali në Tiranë është proceduar penalisht nga policia pasi vijonte aktivitetin me muzikë në biznesin e tij pas orarit të përcaktuar në kuadër të masave anti-COVID.
Policia njofton se ka proceduar penalisht Sh.S., 47 vjeç ndërsa gjatë kontrollit në lokalin e tij, blutë e Tiranës kanë konstatuar dy minorënë që punonin pa kontratë punësimi.
Për këtë subjekt, policia ka vendosur gjobë 1.000.000 lekë, për shkelje të orarit të përcaktuar në aktin normativ, për zhvillimin e aktiviteteve.
Sakaq, janë gjobitur dhe proceduar penalisht 8 qytetarë për veprën penale “Prishja e qetësisë publike” pasi në kundërshtim me orarin e përcaktuar, u konstatuan në këtë lokal duke krijuar zhurma shqetësuese për banorët.